KRALENDIJK – E parada di lampion, parti di e selebrashon anual  di Derechonan di Mucha ta tuma lugá e aña aki riba 22 di novèmber di mitar di seis di atardi te mitar di ocho di anochi. E tema di e parada ta “Laga nos papia ku rèspèt!”, kaminda ta enfatisá e importansia di derechonan di mucha.

E parada ta kuminsá na Sentro Akseso (Kaya Prensès Marie 7) i ta finalisá na Parke Wilhelmina. Tur hende ta bonbiní pa partisipá, huntu ku e muchanan òf pará kantu di kaminda i apoyá nan.

Tambe tin tayernan den sentronan di bario, kaminda famianan por traha nan propio lampiòn komo  preparashon pa e parada.