KRALENDIJK – E último tempu e periode ku laman ta subi i baha i e nivel haltu di awa tabata motibu pa empresarionan na Sorobon, Boneiru mira nan tèrasnan literalmente disparsé den awa. Parse ku e nivel  haltu di awa ta fortifiká mas i mas e nivel kresiente di laman, un problema ku e isla pa añanan largu kaba ta hañ’é  konfrontá kuné, 

Eroshon ta menasá e  área rondo di Sorobon, ku ta konosí pa su bunita playa- i restorantnan kant’i awa, mas i mas. Santu, ku normalmente ta protehá e liña di kosta, a spula bai e último añanan pa motibu di e forsa di laman. Esaki tin konsekuensianan direkto pa e empresarionan di horeca den e área ei ku ta wak ku wowo tristu kon e awa ta ganando tera.

E empresarionan ta hasi un yamada riba gobièrnu pa tuma akshon. Nan ta boga pa trese santu bèk na e liña di kosta rònt e restorantnan, di moda ku nan tèras- i tiendanan ta protehá atrobe kontra e nivel di awa kresiente. Segun nan ta nesesario pa intervení rápido pa evitá mas daño i mantené turismo den e área.