THE BOTTOM– Mount Scenery, e vulkan mahestuoso na Saba i e punto mas haltu di Reino hulandes, a resultá di ta un poko ménos haltu di loke semper a pensa. Datonan di GPS avansá i skèner di laser aéreo ta revelá ku e seru su altura real ta 870 meter, 7 meter mas abou di e 877 meter ku tabata reportá anteriormente.

For di día ku Saba a bira un munisipio spesial di Hulanda na 2010, Mount Scenery a sustituí Vaalserberg na Zuid Limburg komo e punto natural mas haltu di e pais. E tòp di e vulkan, ku ta aksesibel via un kaminda algu difisil den e mondi tropikal, sin embargo ta keda e punto mas haltu den Reino.

E konfushon tokante e altura a surgi di diferente fuente i método di midimentu ku no tabata aktualisá. Midimentu ku téknikanan moderno di e Kadaster i e KNMI a konfirmá ku e midí for di e ananan 60 tabata sin embargo tabata remarkabel korekto, pero e haltura eksakto ta depende tambe di punto di referencia ku ta usa, manera nivel di laman.  

Lugá úniko 

Kadaster den su publikashon tokante e resultadonan a enfantisá ku a pesar di e echo ku Mount Scenery ta resultá awor un poko mas abou ku a pensa pa hopi tempu, e volkan ta laga tur otro montaña i elevashon na hulanda atras i ta keda un lugá hopi úniko den área karibense.