KRALENDIJK- Djadumingu 24 di novèmber, alrededor di 8 or di anochi un atrako armá a tuma lugá na un supermerkado situá na Kaya Sonmontuno. 

Dos hòmber bistí ful na pretu ku kara tapá a menasá personal di e supermarket i a eksigí sèn despues di kua nan a kore bai na pia den direkshon nort.

Polis ta hasi un yamada na un i tur ku por  a mira of sa algu tokante e kaso di atrako armá aki, pa tuma kontakto ku polis via 715 8000 òf via di e number di tep anónimo 9310.

E atrako riba e supermerkado ta e di tantísimo kaso den simannan tras di lomba kaminda arma di kandela ta hunga un ròl: Un situashon sumamente preokupante ku Boneiru no ta akostumbrá di dje.