KRALENDIJK – Kolehio ehekutivo di Boneiru a krea e mesa di klima pa atendé ku e impakto di kambio klimátiko riba e isla. Boneiru ta haña mas i mas ku situashonnan di wer ekstremo manera yobida fuerte, sekura i e temperatura di laman ku ta subiendo, ku ta menasá tantu e habitantenan komo e naturalesa úniko, manera rif di koral.

Bou di e liderato di presidente Reynolds ‘Nolly’ Oleana, konosí pa su ekspertisio i su partisipashon lokal, un grupo di proyekto ta traha huntu ku e komunidat riba un plan di klima. E plan aki mester protehá tanto hende komo naturalesa i prepara e isla pa futuro. 

Durante un townhall meeting riba 18 di dezèmber a splika e plan i e habitante por a partisipá ku idea i pregunta.

E diálogonan den Klimaattafel ta tuma lugá den 2025, ku e meta pa tin un Plan di Klima aprobá na kumienso di 2026. Ku esaki Boneiru ta enfatisá su dedikashon pa un futuro duradero kaminda bienestar di hende i naturalesa ta sentral.