Kralendijk – Turismo na Hulanda Karibense na 2020 a baha hopi pa motibu di e medida- i restrikshonnan di buelo a kousa di e pandemia di corona. Komo ku e islanan ta pone diferente medida pa tene COVID-19 afó, e revitalisashon di turismo ta diferente pa kada isla. Turismo na Boneiru na yüni 2021 ya tabata na kasi 75 porshento di e nivel di yüni 2019. Na Saba i Sint Eustatius asaki tabata respektivamente 43 porshento i 33 porshento di e nivel di yüni 2019.
For di komienso di e pandemia te ku yüni 2021, ningun pasahero di barku krusero no a yega Boneiru. Esaki segun sifra nobo di CBS. 

Na Boneiru turismo a bini ta subi poulatinamente for di novèmber 2020 pero a baha atrobe na na yanüari 2021 i despues na mart debí na medidanan di gobièrnu. For di aprel 2021 turismo ta krese atrobe di 3,4 mil bishitante na aprel te ku 9,1 mil bishitante na yüni. E oumento aki prinsipalmente ta debí ku kasi tur aerolínea ta bulando atrobe manera nan tabata bula na yüni 2019 tambe. Debí na e restrikshonnan di biahe ku ta na vigor na hopi pais, e parti di bishitante ku nashonalidat hulandes a krese fuertemente, for di un 57 porshento na 2019 pa 75 porshento na 2021. E parti di bishitante ku nashonalidat merikano a baha hopi, di 25 porshento na 2019 pa 9 porshento na 2021.

Saba

Kompará ku 2020 turismo na Saba a krese den e lunanan di aprel, mei i yüni. E kantidat di bishitante ainda ta mas abou ku promé ku e pandemia di corona. Na yüni 2021 Saba a atraé 300 bishitante: 43 porshento di e kantidat di bishitante na yüni 2019 (700 bishitante). Den e promé tres lunanan di 2021, pa luna a bini 100 bishitante. Esaki ta debí ku na Saba tabatin restrikshonnan severo na vigor di buelo pa e isla, asina ku tabatin ménos  buelo pa Saba ku promé di e pandemia di corona. Riba dia promé di mei Saba a kuminsá ku reapertura di e isla, por mira esaki bèk den e kantidat di bishitante.   

Sint Eustatius

Sint Eustatius ta laga e medidanan ku ta limitá turismo dependé di e grado di bakunashon di e poblashon. Na yüni 2021, 300 bishitante a bini, kaminda na yüni 2019 ainda 900 bishitante a bini Sint Eustatius. E parti di bishitante ku nashonalidat hulandes na 2021 tabata 70 porshento, mientras ku na 2019 esaki tabata mas o ménos 50 porshento. Por splika esaki komo ku den e di dos fase di reapertura di Sint Eustatius, a pèrmití habitante bakuná di Saba, Sint Maarten, Aruba, Kòrsou i Boneiru na e isla sin kuarentena.

Fuentenan

StatLine – Turismo ku a drenta ku avion

http://opendata.cbs.nl/statline/#/CBS/nl/dataset/83104NED

StatLine – Turismo ku a drenta ku avion, nashonalidat

http://opendata.cbs.nl/statline/#/CBS/nl/dataset/83191NED

Pasahero krusero na Boneiru

https://www.cbs.nl/nl-nl/maatwerk/2021/07/cruisepassagiers-bonaire-2012-2020-

Lenknan relevante

World Tourism Barometer UNWTO

https://www.e-unwto.org/toc/wtobarometereng/18/1

Splikashon

*Bishitante

Bishitante por ta tantu hende ku ta bini pa un dia, komo hende ku ta pasa por lo ménos un anochi pa rekreashon, pa trabou òf pa otro motibu.

Bishitante for di e islanan di Boneiru, Saba i Sint Eustatius ta konta komo bishitante nashonal i no ta inkluíden sifra di turismo drentando.

Sifranan tokante turismo na Hulanda Karibense ta basá riba registronan eksistente. Sifranan ta na sentena.

---

Lesa tambe:

• 
  OLB ta kuminsá eksplorá snèk saludabel pa mucha na Kolegio San Luis Bertran
• 
  No tin sufisiente klaridat ainda di ‘promé stapnan’ na lèntfel Boneiru despues di intervenshon di Hulanda
• 
  Tourism Corporation Boneiru satisfecho ku partisipashon na DEMA Diveshow
• 
  Subway Boneiru a habri bèk despues di renobashon
• 
  Prosedura pa mèldu negoshi di hóreka i negoshi di konstrukshon a kuminsá ofisialmente