Kralendijk – Djabièrnè 20 di ougùstùs 2021 Harm Kreulen, CEO di KLM Hulanda a wòrdu rekonosé komo un embahador di Boneiru dor di Miles Mercera, CEO di Tourism Corporation Bonaire (TCB) durante un almuerso na honor di Kreulen. Despues di un karera impreshonante di 36 aña ku KLM, Harm Kreulen lo baha ku penshun 1 di òktober proksimo. E bishita na Boneiru tabata un bon oportunidat pa gradesí sr. Kreulen personalmente pa su añanan den servisio di KLM i e apoyo loyal di e aerolinea hulandes pa Boneiru i Hulanda Karibense.

Durante e añanan KLM a ekspande su kantidat di buelo pa Boneiru i awor nos ta yama bon bini na buelo diario for di Amsterdam.

Sr. Mercera a sorpresá sr. Kreulen ku un bunita regalo di Boneiru, i a rekonosé komo un embahador di Boneiru. TCB ta rekonosé su partnernan i bishitantenan komo embahador ora ku nan bishita Boneiru pa sierto kantidat di aña òf ora ku nan kontribuí na e desaroyo sostenibel di turismo.

Segun TCB su CEO, sr. Miles Mercera, “KLM ta un partner loyal pa hopi aña kaba i nos ta balorá e trabòu duru i dedikashon di sr. Kreulen. Masha danki pa tur su añanan di apoyo i nos ta sigur ku e lo disfrutá di su penshun bon meresí.”

---

Lesa tambe:

• 
  OLB ta kuminsá eksplorá snèk saludabel pa mucha na Kolegio San Luis Bertran
• 
  No tin sufisiente klaridat ainda di ‘promé stapnan’ na lèntfel Boneiru despues di intervenshon di Hulanda
• 
  Tourism Corporation Boneiru satisfecho ku partisipashon na DEMA Diveshow
• 
  Subway Boneiru a habri bèk despues di renobashon
• 
  Prosedura pa mèldu negoshi di hóreka i negoshi di konstrukshon a kuminsá ofisialmente