Kralendijk- Dòkter Marian Luinsra den konferensia di prensa djaweps mainta a komuniká ku tabata su delaster aparensia komo bosero di Entidat Públiko Boneiru (EPB) pa loke ta trata Covid-19.

E dòkter, ku pa basta tempu mester a baha ku penshun, a keda yuda EPB den e temporada di krisis. Ora no por a haña niun hende den promé instante pa yuda ku e parti aki, a hasi un apelashon riba Luinstra pa tuma e ròl aki.

Aunke Luinstra su dominio di Papiamentu no ta 100%, ela risibí hopi apresio pa e echo ku e tabata hasi su bèst enormememente pa tene su spichnan na Papiamentu, banda di hulandes, i tabata hasi purba kontestá pregunta na Papiamentu; algu sigur no fásil den un idioma ku no ta di e hende mes.

Batuto

Luinstra lo pasa e batuto ofer pa kolega dòkter Loes Jaspers, ku ya tin algun luna na Boneiru. Aparte di ta dòkter, Jaspers a spesialisá den malesanan kontagioso i e ta epidiomólogo.

Gezaghèber Edison Rijna a ekspresá palabranan di apresio pa Luinstra i su trabou pa Boneiru, i a entregá e dòkter un bukèt grandi di flor.