Kralendijk –  Un parti di e kampionnan di futbòl di U14 ku a regresá for di Repúblika Dominikano a tèst positivo e di sinku dia despues di yegada. Salubridat Públiko ta hasiendo investigashon di fuente i kontakto. Ta informá e kontaktonan di e hendenan kontagiá.  Si ta nesesario nan ta bai den karentena i ta tèst nan. SP ta hasi un yamada na solamente hendenan ku tabatin kontakto ku e futbolistanan i ku tin keho pa yama 0800 0800 pa un sita pa tèst.

Na e momentu akí no tin indikashon ku e vírùs a plama. E tempu ku ta bini ta bira kla si esaki a sosodé. Pa siguridat Federashon Futbòl Boneriano, FFB, por lo pronto a kanselá selebrashon di título di e selekshon. A hasi esaki pa tene e riesgo ku e vírùs ta plama mas abou posibel. Último dianan e kontagionan na Boneiru a oumentá. E oumento ta bini pa motibu di tres grupo. E dos gruponan na skol, kaminda dos klas pa siguridat a bai den karentena i e grupo relashoná ku e futbolistanan.