KRALENDIJK- Hulanda lo sigui subsidiá preis di awa ku koriente na Boneiru, despues di yanüari 2022. Esaki sekretario di Estado Raymond Knops a bisa djaweps atardi durante un debate tokante e prosupuesto di Reinaden Tweede Kamer.

Knops a haña su mes konfrontá ku un parlamentu ku no ker a tende ningun eksküs mas, pa loke ta medidanan benefisio pa e islanan BES. Parlamentario pa CDA Joba van der Berg, a entregá e moshon pa sigui subsidia entre otro preis di koriente pa asina evitá un subida di preis mucho drástiko. E mosho a wòrdu ratifiká pa un mayoria den parlamentu hulandes.