Den 2020 2,8 mil persona di 15 te 75 aña na Boneiru tabata pertenesé na e asina yamá potensial laboral ku no ta hasi uso di dje. Na Sint Eustatius e potensial laboral ku no ta hasi uso di dje tabata konsistí di 290 i na Saba di 330 persona. Esaki ta resultá for di e Investigashon Forsa Laboral Hulanda Karibense (AKO-CN) 2020 di CBS.

E potensial laboral ku no ta hasi uso di dje ta konsistí di desempleado-, semi desempleado- i personanan ku ta traha partaim ku no ta utilisá sufisientemente. Desempleadonan no tin trabou pagá, resientemente a buska trabou i pa e motibu aki ta inmediatamente disponibel. Personanan semi desempleá no tin trabou pagá i resientemente sea a buska òf no a buska trabou pagá, òf no ta inmediatamente disponibel. Desempleado- i semi desempleadonan huntu ta forma  e potensial laboral ku no ta hasi uso di dje, ku no tin trabou. E trahadónan partaim ku no ta utilisá sufisientemente, ku kier traha mas ora i pa e motibu akí ta inmediatamente disponibel, ta forma e potensial laboral ku no ta hasi uso di dje ku tin trabou. 

Den 2020, di e tres islanan, Saba tabatin e porsentahe mas haltu di potensial laboral ku no ta hasi uso di dje (22 porshento), kompará den término di e kantidat di habitante di 15 te 75 aña. Pa Boneiru i Sint Eustatius e porsentahenan ei tabata mas abou. Trahadónan partaim ku no ta hasi uso di dje sufisiente tabata forma un parti konsiderabel di e potensial laboral ku no ta hasi uso di dje. Na Saba esei tabata 66 porshento, na Boneiru poko ménos ku 60 porshento i na Sint Eustatius kasi mitar.

E potensial laboral ku no ta hasi uso di dje ta relativamente yòn

E potensial laboral ku no ta hasi uso di dje riba e tres islanan ta relativamente yòn. Esei ta konta sigur pa e potensial laboral ku no tin trabou. Na Saba por ehèmpel 50 porshento di e potensial laboral sin trabou tabatin 15 te 25 aña,miéntras ku e grupo di edat akí ta representá 13 porshento di e poblashon di 15 te 75 aña. Na Sint Eustatius tambe e proporshon di e grupo di hóben akí bou di poblashon ta 13 porshento. Aya esnan di  15 te 25 aña tabata forma 22 porshento di e potensial laboral ku no ta hasi uso di dje. Na Boneiru e porsentahe di hóbennan bou di e potensial ku no ta hasi uso di dje tabata esun di mas abou di e tres islanan. 

Potensial laboral ku no ta hasi uso di dje tin edukashon relativamente abou

E potensial laboral ku no ta hasi uso di dje tin relativamente hopi bia un edukashon hopi abou. Na Boneiru partikularmente e potensial laboral ku no ta hasi uso di dje ku tin trabou (e trahadónan partaim ku no ta hasi uso di dje sufisientemente) tabatin edukashon abou; 57 porshento, miéntras ku pa henter e poblashon di 15 te 75 aña esei ta 50 porshento. Na Saba al kontrario e potensial ku no ta hasi uso di dje sin trabou tin relativamente hopi bia edukashon abou: 46 porshento kontra 40 porshento di e poblashon total.

E personanan nan Boneiru i Sint Eustatius ku ta forma parti di e potensial laboral ku no ta hasi uso di dje, mas frekuente ku tur persona di 15 te 75 aña riba e islanan akí, tabatin un diploma riba un área di edukashon general. E trahadónan partaim ku no ta hasi uso di dje sufisientemente na Boneiru relativamente hopi bia tabatin un diploma den diseño, idioma, arte i historia òf den téknika, industria i arkitektura. E potensial laboral ku no ta hasi uso di dje na Boneiru i Saba tabatin relativamente hopi bia un diploma den e área di servisio.

Potensial laboral ku no ta hasi uso di dje relativamente hopi bia no a nasé na Hulanda Karibense 

E potensial laboral ku no ta hasi uso di dje riba e tres islanan relativamente hopi bia no a nase na Boneiru, Sint Eustatius i Saba. Den komparashon ku tur persona di 15 te 75 aña partikularmente hopi bia nan a nase den otro paisnan di Suramérika i Amérika Sentral. Na Saba un parti relativamente grandi di e potensial laboral ku no ta hasi uso di dje ku no tin trabou a nase na Aruba, Kòrsou i Sint Maarten.