KRALENDIJK- E sueldo mínimo na Boneiru, entrante promé di yanüari a subi i awor aki ta 1045 dòler i 18 sèn pa luna pa esnan ku ta traha 40 ora pa siman. 

Aña pasá gobièrnu di hulanda a disidí pa hisa e sueldonan mínimo na Boneir, St. Eustatius i Saba ku 10%. Observadónan ta mustra sin embargo ku den último 12 luna e inflashon riba e tres islanan pa averahe a subi ku 4%. Esaki ta nifiká ku esnan ku ta gana un sueldo mínimo efectivamente a bai dilanti ku 6% den na forsa di kompra. 

Mínimo sosial

Entretantu, gobièrnu hulandes ta keda nenga pa determiná, di forma oficial, kuantu un hende mester minimalmente pa por biba na drechi na Boneiru. Tin speransa ku un gabinete nobo lo por bai fiha e montante aki porfin, aunque tambe tin hopi hende sképtiko pa esaki.