KRALENDIJK- E organisashon TUI ku ta bendiendo hopi pakete pa Boneiru, for di djarason lo tin su propio oficina na Boneiru, situá riba tereno di Chogogo Resort. 

Según Rick van der Pluijm, gerente di Dutch Caribbean pa TUI, esaki lo benefisiá ámbos turista ku hende lokal. “Turista por kana drenta serka nos pa hasi un kambio, òf pa reserva bai bai ku maleta èkstra. 

Hende lokal awor aki por akudí serka nos pa kumpra pasashi pa bula bai Amsterdam i otro destinashon ku TUI ta ofresé. 

Orario

E ofisina di TUI lo ta habrí di di djamars pa djasabra di 10 ‘or i mei di mainta te ku 5 ‘or di atardi. Aktualmente TUI tin 7 buelo pa siman ku ta yega i sali for di Boneiru. Ya e kompania di biahe tabata tin ofisina propio na Kòrsou i Aruba, pero ainda no na Boneiru. Ku apartura di e ofisina nobo, esaki ta bai kambia awor.