Kralendijk- E deklarashon si salú ku biaheronan biahando pa Boneiru, for di siman pasá no ta funshonando bon for di siman pasá.

Aunke tin biahero ku por yena esaki sin problema, hopi biahero ta haña e mensahe ’try again’, i nan no ta risibiendo e e-meil di konfirmashon di e departamentu di Salubridat Públiko. Aunke ku e departamentu ta na altura di e problema, esaki no a keda resolvé ainda.

Hopi biahero ku no tabata na altura di e problema a pasa den un strès ora a yena e formulario vários biaha, pero sin ku konfirmashon tabata yega. Ora di a komuniká telefónikamente ku e departamentu nan ta wòrdu bisá di saka un screen shot numa di e formulario pa por mustra na bali di check-in.

Tabèt

Sinembargo, ora pasaheronan yega Airopuerto Flamingo na e puntu di kòntròl ta fòrsa nan pa para yena e formulario un biaha mas, a pesar ku a yena esaki vários biaha kaba, sin resultado. Esaki sigur ta un molèster i ta kousa tardansa tambe pa e biaheronan en kestion.

Riba medionan sosial djadumingo por a mira vários pregunta di biahero ku tabata enfrentando e mesun problema, ora nan tabata purba yena e formulario.

Strès

Awor.nu ta komprondé ku e departamentu di Salubridat Públiko ta trahando huntu ku e kompania hulandes ku ta mantené e sistema pa resolvé e disperfekto, pero ainda no a keda ka. Loke ta lástima ta ku EPB no a sali afó pa komuniká lagando basta pasahero ku tabata tratando na yena e formulario enbano, keriendo ku nan tabata hasiendo algu fout, ku basta strès promé ku nan biahe.