WILLEMSTAD- Dos miembro klave den e tim di piloto di EZ Air, Aico Polonius i Petrus Martina, a terminá nan treinen di simulator na Merka, pa asina tambe ta sertifiká pa bula e Saab340.

Polonius ya tin algun aña ta trahando como Kapitan na EZ Air, promé riba e Beechcraft 1900D-nan, pero awor e lo pasa na bula Saab340. Martinus tambe tin algun aña ta trahando na EZ Air komo ‘First Officer’. Ta trata di dos piloto ku tin nan base na Kòrsou.

Enfoke

Ku e enfoke riba operashon di e Saab340, ku ta karga mas pasahero i ta mas kómodo, un kantidat kresiente di e pilotonan di EZ Air a optené nan sertifikashon (’type rating’) kaba pa e tipo di avion aki. E treinen tin un parti teorétiko i un parti práktiko ku tin hasi den Flight Simulator.

Pronto un di tres Saab340 ta bin fortifiká e dos avionnan ku tei kaba. Segun direktor general di EZ Air, René Winkel, e kompania ta hañando hopi komentario positivo di pasahero tokante e avionnan nobo. “Awor ku mas piloto ta kedando kla ku nan parti di treinen, nos por bai amplia nos kantidat di buelo atrobe”, asina Winkel a splika.