KRALENDIJK- mr. Aniselly A. Hous, ku a nase i a lanta na Kòrsou, ta bin reinforsá e ofisina di notario mr. Kenneth Arends & Partners. 

Djarason atardi Hous a huramentá dilanti wes mr. Spreuwenberg i ku esei ela bira un notario suplente ofisial na e isla. E oficina di Arends ta konta awor ku 1 notario den persona di Kenneth Arends mes, i dos notario suplente den persona di Aniselly Hous i André Goslinga. 

Hous na promé instante a studia lei Antiano na UNA, pero despues a hasi e kambio pa lei di notariado na Hulanda. Ela kaba su estudio na unviersidat di Utrecht. Despues di esaki, Hous a regresá Boneiru pa kuminsa traha den notariado. 

Kontentu

Kenneth Arends, ku a funda e di dos ofisina di notario na Boneiru, ta kontentu ku e kolega nobo. “ Aniselly ta papia i skibi Papiamentu, Hulandes, Ingles i Spañó, i asina por asisti un base amplio di kliente na Boneiru.  

Arends a splika tambe ku e ofisina i e tres notario, di kual dos suplente, ta e únikonan ku tin mag di duna servicio riba tur tres islanan di Aruba, Boneiru i Kòrsou.