KRALENDIJK- A pesar di un redushon temporal di e kantit di aksèins pa kombustibel, tòg e prèis di gasolin, disel i gas ta subi basta fuertemente. 

For diluna di mart Kolegio Ehekutivo a kuminsá ku e proseso pa mensualmente aktualisá preis di gasolin konforme e preisnan di kompra mensual.

Disel (gasoil) ta subi ku 28 sèn pa liter i gasoline ku 6 sèn ku liter. Bòter di gas tambe ta subi bastante. Bòter di gas grandi ta bira 7 dòler ku 57 sèn mas karu. Bòter di gas chikuto ta subi ku 1 dòler ku 51 sèn. Ku esaki, prèis di un bòter chikutu ta bira 14,30 i esun grandi 68,28.

Mensual

Kolegio ehekutivo a disidí di reintrodusí adaptashon mensual pa kombustibel, ku a laga para ketu un tempu, ora no tabata tin mashá kambio riba merkadonan internashonal. 

Si no a kita aksèins, Gasoline lo a subi ku kasi 20 sèn mas pa liter, ku ta e kaso awor aki.