KRALENDIJK/WILLEMSTAD- E skol di aviashon, Falki Aviation ta hopi kontentu ku resultado di su seminario ku a organisé pa duna mas informashon na esnan ku ta interesá pa siña bula avion. 

E seminario a konosé dos seshon: djabièrnè a tene un prome seshon den Avila Beach na Kòrsou, siguí pa un seshon na Boneiru riba djasabra ku a tuma lugá na Flamingo Beach Hotel 

Komersial

Aparte di e hendenan di Falki Aviation mes, tambe tabata presente Brad Boersma di Ocala Aviation Flight School na Florida. Falki ya a inspirá hopi hóben lokal pa siña bula avion. Diferente di nan alumonan awendia ta trahando na kompanianan lokal di aviashon, manera EZ Air i Divi Divi.