KRALENDIJK- Boneiru a realisá un averahe di 231 dòler pa nochi den hotelnan lokal. Esaki a sali na kla for di sifranan presentá siman pasá pa BONHATA.

Segun BONHATA, e 221 dòler pa anochi, tabata hopi mas mihó ku e situashon en e promé kuartal di 2021, ora a realisá un prèis promedio di 170 dòler pa anochi. Alabes sifranan ta mustra ku e grado di okupashon a rekuperá dramátikamente. 

Kaminda ku den e promé tres luna di 2021 tabata tin un okupashon promedio di no mas ku 27%, na 2022 esaki a yega na 82%. 

Restrikshon

Veroushka de Windt, direktora di BONHATA a splika ku na 2021 ainda tabata tin hopi insertidumbre pa loke ta trata e restrikshonnan pa turista ku ker a biaha pa Boneiru. Ademas, ainda Merikanonan no por a biaha bin Boneiru, loke lógikamente tabata tin un impakto basta negativo riba e sifranan di okupashon i prèis pa kamber ku a realisá.

Ainda no ta sigur kon kos lo sigui ku e temporada ketu ku ta drentando actualmente, ouke por komprondé ku e proyekshonan ta basta favorable te asina leu.