KRALENDIJK- Si un kos a keda hopi kla den tranksurso di bièrne Santu ta e echo ku tin hopi konfushon na Boneiru, pa loke ta trata e arelgo eksakto pa ku e impuesto nobo ku lo bai kobra turista entrante promé di yüli 2022. 

Asta diferente miembro di konseho insular, ku tabata presente durante e reunion kaminda a vota riba e ordenansa aki, ta kontradisí otro pa loke ta trata e esensia di e impuesto.

Den e konsepto di ordenansa original, tabata tin stipulá ku e turista ku a yega di paga kaba pa drenta e isla, lo no mester boble paga si e drenta dentro di 12 luna pa un di dos biaha. Den e teksto di e lei ku a wòrdu aprobá, apartentemente esaki no ta e kaso mas. Esaki ke men ku si un turista drenta 4 biaha den un aña, e lo mester paga 4 biaha tambe. 

E último splikashon aki, ta esun ku diputado Thielman tambe a konfirmá djaweps atardi pa ABC Online Media. 

Interpretashon

Tin miembronan di Konseho Insular, sin embargo, ta di opinion ku a djies kambia e montante ku lo kobra estranhero, o sea 75 dòler n alugá di 50 dòler, per ku tur kos sobrá a keda igual, tambe pa loke ta trata e eksonerashon di paga un di dos òf di tres biaha, si drenta e isla mas ku un biaha pa aña.