WILLEMSTAD- Un avion di Tui ku tabata kubri e ruta di Santo Domingo pa Amsterdam, ku un parada na Boneiru, djadumingo anochi mester a hasi un aterisahe di emergensia na Kòrsou pa motibu di un sker den un bentana di kokpet ku a okurí den pleno buelo.

Ya ku e avion no por a sigui, mester a hospedá e paseheronan na e diferente hotèlnan, pero tabata tin un falta bastante pisá di kamber di hotèl. Esaki a pone ku basta hende mester a keda drumi na aeropuerto, en espera di un kamber di hotèl.

Djaluna mainta Tui a manda un aktualisashon atrobe pa e pasaheronan, kaminda a bisa ku tabata lamentá e situashon ku a surgi i ku ainda tabata buskando forma pa akomodá tur hende riba e buelo afektá ku un kamber di hotèl.