BOGOTA- E aerolínea Avianca, ku ta e di dos aerolínea mas bieu na mundo despues di KLM, a logra un konbenio ku doñonan di kompetidó Viva Air, pa tuma esaki ofer. 

Viva Air, den transkurso di masomenos 10 aña a mira un kresementu enorme i tabata tin hopi éksito ku su modelo di ‘low cost’. E kompania tabata asina eksistoso, ku un gran parti di e kresementu, voral den Colombia mes, a bini a kosto di Avianca. 

Despues di un regoranisashon i un proceso di bankarota kontrolá, Avianca tin hopi kapital den kaha. Ku esaki a logra kumpra Viva Air, sakando asina un kompetidó hopi fuerte for di merkado. 

Dos marka

Por lo pronto kada marka lo sigui operá bou di nan mesun nòmber i komo dos aerolínea apart, aunque di e mesun doño. No ta konosí ainda si despues si tur lo bai operá bou di kapa di Avianca mes. 

Resientemente Viva Air a haña outorisashon pa kuminsá ku buelonan entre Medellin ku Aruba. E kompania tabata tin plan sin embargo, di kuminsá bula pa Kòrsou tambe. Awor ku de fakto Viva Air ta bira Avianca, lo tin ku warda wak si nan ta sigu kunan plannan original.