PARAMARIBO- Despues di kasi un aña sin propio avion, ta parse ku pronto Surinam Aiways lo tin su propio avion di lease atrobe pa un termino mas largu. 

Ya pa kasi un aña e kompania di aviashon tabata depende di hürmentu di otro kompania di aviashon pa ehekutá su buelonan pa entre otro Kòrsou i Aruba, pero tambe pa e ruta entre Paramaribo i Amsterdam. 

Den yüni 2021 Surinam Airways a pèrdè su lastu i ultimo avion pa motibu di debe den pago pa e lease. Despues di esaki, niun kompania na mundo no tabata parse di ke hür avion ku e kompania Sürnameo pa un periodo mas largu. 

Empleado

E avion ku ta bai hür pa termino largu, un asina yamá dry lease, ta un Boeig 737-800, ku ta kasi idéntiko na esun anterior ku tabata usa pa region karibense, ku tabata un Boeing 737-700. E hürmentu di e avion nobo lo nifiká tambe ku porfin pilot i stiwardes di e kompania por kuminsá bula atrobe.