KRALENDIJK- Den e wikent tras di lomba, M21 ofisialmente ke avisá ku e organisashon ta duna tur hende ku ke yuda traha riba un mihó futuro pa Boneiru, e oportunidat pa hasi esaki. 

“No balotá kiko tur bo por hasi, pa chikitu ku bo granito ta e ta un aporte pa nos drecha loke no ta bai bon aki na Boneiru. M21 ta un organisashon inovativo, dinamiko, demokratiko, partisipativo, inklusivo, ku atenshon pa hóbennan i sosial liberal, dediká na i komprometé ku Boneiru”, asina e movement ta bisa. 

M21 ta bisa tambe di ta konvensí ku si nos sigui hasi meskos, vota meskos, atendé ku polítika manera a hasi te ku awor lo sigui haña e mesun resultadonan. 

Diferente

M21 ta bisa ku a bira tempu pa hasi e kosnan diferente, di un manera inovativo. “Huntu nos ta fuerte, huntu e trabou ta bira mas fásil, huntu nos ta logra. E ora a yega, stòp di papia, ban aktua!”, asina e movementu ta hasi un apelashon riba habitantenan di Boneiru.