KRALENDIJK- E Partido Partij voor de Dieren (PvDD) ta di opinion ku mester destiná e área di Plantashi Bolivia komo un área di naturalesa, kaminda ningun desaroyo lo mester tuma lugá, manera ta e plan di famia Breemhaar ku a kompra e tereno grandi aki. 

Lammert van Raan, Eva van Esch i Leonie Vestering di e partido isquierdista a hasi un kantidat di pregunta na minister Hugo de Jonge, Mark Habers i Christianne van der Wal-Zeggelink. Den nan karta e partido ta puntra e ministernan entre otro si nan ta haña desaroyo di e tereno aki algo deseabel i si lo no ta mihó pa Boneiru pa deklará e área komo un área di naturalesa. 

Akuerdo

E preguntanan di PvDD ta bini despues ku Kolegio Ehekutivo a firma un akuero ku famia Breemhaar pa desaryá e área aki I konstruí no ménos ku kasi 2000 kas, ku e infrastruktura ku ta nesesario pa esaki. Segun PvDD ta mustra, esaki lo tin un impakto severo riba naturalesa di no solamente e área, pero tambe Boneiru den su totalidat.