KRALENDIJK- Frakshon di Partido Demokrátiko Boneriano (PDB) a manda un karta pa gezaghèber Edison Rijna, pidiendo un reunion ekstraordinario pa papia di e situashon ku surgi ku konflikto den Kolegio Ehekutivo.

PDB a mustra den nan karta, firmá pa lider di frakshon Clark Abraham i konsehal Rolanda Hellburg-Makaai ku nan a spera di a haña algun kontesta siman pasá durante ‘vragenuurtje’ den Konseho Insular. ‘Grandi tabata nos sorpresa ora a konstatá ku bo persona no tabata tei”, asina e karta di PDB ta bisa. 

E partido ta lamentá ku Rijna mes a okashoná e konflikto, dor di vota riba un tópiko politiko den Konseho Insular; algu ku segun PDB e no mester a hasi. 

Dokumentu

De e karta, banda di pidi pa un reunion ekstra-ordinario, tambe a pidi tur dokumentu ku tin di haber ku e resort nobo, entro otro akuerdo entre Holding/Bonaire Overheidsgebouwen i e empresa tras di e hotèl. 

PDB ta denunsiá fuertemente ku kada bes ke hasi eksepshon riba stipulashon riba e plan di maneho di espasio riba Boneiru (ROB). Tambe DP ta mustra riba e echo ku ta gobièrnu mes a stipulá un maneho kaminda ta promoví hotèlnan mas chikitu estilo ‘butik’, i awor ke duna permit pa otro hotel grandi ku ta bai kontra di e maneho ei.