KRALENDIJK- Bonchi Boneiru ta un empresa chikutu nobo na Boneiru ku ke bai produsí kòfi di kalidat haltu na Boneiru. 

E persona tras di e inishativa aki, Nort van Hulten ta bisa ku ela nota ku no tin un lugá na Boneiru ainda ku ta kima bonchi di kòfi. “Anto esaki mientras ku nos isla ta keda di algun pais den region kaminda ta produsí e mihó kòfi na mundu. 

E kimamentu di kòfi ta relativamente leu for di e trabou di Van Hulten mes, ku ta analisis di data. “Despues di a traha dos aña di manera free-lance pa mi mes, mi a sinti ku mi lo ke hasi algu real, i e idea aki a nasa”, asina Van Hulten a splika. 

E empresario hóben ta bisa tambe ku e ta pas ku un manera positive pa medio ambiente. “Loke ta pas ate asina leu ku bonchinan di kòfi ta wòrdu hibá Europa, pa prosesá i moliná, pa despues e wòrdu transport bèk pa Boneiru. “Na e manera ku nos ta bai traha, djies na emishon di kombustibel nos ta spar 92%”, asina Van Hulten a bisa. 

Fresku

Van Hulten ku su Bonchi Boneiru tin e intenshon di traha direktamente ku kunukeronan den entre otro Colombia, Guatemala i Nicaragua. Asina ta haña e produkto mas fresku, e kunukeronan ta haña mihó prèis i e produkto ta yega akina mas lihé. 

Despues di un periodo di tres luna di preparashon, ta asina leu ku Bonchi Boneiru por bai produsí su promé kòfi. Esaki por wòrdu mirá i purbá pa klientenan riba e dia habrí di LVV ku lo tene dia 10 di yüli próksimo.