WILLEMSTAD – E ret di SDKK ta infektá ku un virus. Esaki gerente di SDKK ta informá despues ku riba medionan sosial a menshoná ku a ataká e sistema IT. 

E informashon ku a duna tabata ku henter e sistema a kai afó. Prisoneronan lo tabatin aseso liber pa Wifi i sistemanan pa sera portanan outomátikamente lo no tabata funshoná.

Prison mes ta bisa ku e virus a okashoná algun interupshon den e ret. Investigashon lo mester saka afó ta kon e virus a hasi drenta.

Departamentu di IT di SDKK a logra, huntu ku speshalistanan di IT di afó, pa pone tur data seif i ta informá ku ningun data ta òf tabata komprometé.