Tur alumno i studiante di SGB mester tene kuenta ku e siguiente asuntunan:

Informashon di unidat di SLP

Djamars 23 ougùstùs 2022 di 7:30 t ku 10:30

Klas Pro1 ta wòrdu spera na departamento di SLP na Kaya Frater Odulfinus z/n.

Cluster 3, Cluster 4, ISK, Pro 5 i EO (MBO 1) ta wòrdu sperá nan nan mes lokalidat

Djárason 24 ougùstùs 2022 di 7:30 pa 12:30

PRO2, PRO3 i PRO4 ta wòrdu sperá na e lokalidat di SLP na Kaya Frater Odulfinus z/n.

Djabièrne 26 di ougùstùs 2022

Klas 1 i 2 tin un dia di deporte. E otro klasnan tin lès segun nan roster

Unidat VMBO

Djamars 23 di ougùstùs 2022 di 7.30 te ku 12.00 

Alumnonan di klas 1 di VMBO ta keda sperá den oula di SGB na Kaya Frater Odulfinus z/n. 

Djarason 24 di ougùstùs 2022, alumnonan di klasnan 2, 3 i 4 di VMBO, ta keda sperá na Kaya Frater Odulfinus z/n. 

Klasnan 2 di 8.00 te ku 12.00

Klasnan 3 di 8.45 te ku 12.00 

Klasnan 4 di 7.30 te ku  8.30

Djaweps 25 di ougùstùs 2022 ta inisiá ku e lèsnan segun e roster.

Unidat Liseo Mavo/ Havo/ Vwo

Ta spera tur alumno di Liseo Boneriano riba djamars, 23 di ougùstùs 2022 riba e tereno di Liseo Boneriano na Kaya Amsterdam z/n. E promé dia di skol ta pa sera konosí serka nan mèntor, risibí nan roster i tuma buki/lèptòp di skol.

* Klas Mavo – Havo – VWO 1, di 7:30 – 12:30

* Klas Mavo – Havo – VWO 2 te ku 6, di 7:30 – 11:00

Promé dia di lès segun roster 

* Klas Mavo – Havo – VWO 1 djárason 24 di ougùstùs 2022 

* Klas Mavo – Havo – VWO 2 te ku 6 djaweps 25 di ougùstùs 2022 

Den e siman promé ku skol kuminsá, ta manda mas informashon tokante e promé simannan di skol.
Orario di komienso diariamente pa Mavo/ Havo/ Vwo ta 07.30 or

MBO Bonaire

Djamars 23 di ougùstùs 2022, di 8.00 pa 12.00 or, ta tuma lugá un dia di inskripshon habrí pa tur hende ku ainda no a skohe pa un estudio di MBO. Mesora lo hasi un kòmbersashon di atmishon. 

Si bo tin un diploma di MAVO òf VMBO, bomester sigui un estudio na MBO! Bo no tin mag di stòp ku skol. Bo por inskribí via e wèpsait www.MBOBonaire.com te ku djaluna 22 di ougùstùs 2022.

Dianan di introdukshon pa estudionan BOL lo ta:

Djaweps 25 di ougùstùs 2022, pa 7:45 nos ta spera tur studiante di BOL di aña 2, 3 òf 4 na skol serka nan mentor (SLB-er).

 Djabièrnè 26 di ougùstùs 2022

07.45 or ta spera tur studiante di BOL di promé aña (aña 1) riba plenchi di skol di MBO Bonaire pa un programa di introdukshon. (Studiante mester bini ku uniform bisti). 

Dia nan di introdukshon pa e sigiente grupo nan di BBL lo ta:

Beveiliger 2.2: djawebs 25 di ougùstùs 2022, lo risibi orario via di nan mentor.

HZW bbl 2.1: djabierne 26 di ougùstùs 2022, di 13:00 pa 18:00 

Dia di introdukshon pa tur sobra BBL lo ta durante e siman di 29 di ougùstùs 2022, orario y fecha lo wordu pone riba rosternan riba wèpsait, www.MBOBonaire.com 

Komienso di lès MBO:

Dia 29 di ougùstùs 2022 lo ta promé siman di lès di estudionan BOL. Studiante nan di BBL, lo hanja mas informashon riba dia di introdukshon serka nan mentòr i via di roster. 

E rosternan ta riba e wèpsait www.MBOBonaire.com

Entréga di dokumento 

Si bo no a entregá bo diploma i lista di sifra i/òf sédula ainda, hasi esaki promé ku skol kuminsá. Si bo no tin 18 aña ainda, pidi un di bo mayornan òf tutor pa bini huntu ku bo. 

Sekretariat di MBO lo ta habrí 11 yüli te ku 14 di yüli 2022 di 8:00 pa 16:00 y después 15 di ougùstùs 2022 sekretariat ta habrí tur dia di 8.00 pa 16.00or.

Paga pa buki

Pa pago di sèn di buki, e studiante òf su representante legal ta risibí un faktura di MBO, pa esaki por jama na 715-7721 of pasa tuma esaki na sekretariat di MBO. (orario ariba menshona)

Mester hasi un pago mínimo di 50% di e suma total di sèn di buki promé ku dia di entrega di buki of riba dia di entrega den ougùstùs. E suma ku resta por paga ku “standing order” via banko. E studiante mester entregá e apoderashon (machtiging) na Departamentu di Finansa (Afdeling Financiën) o na sekretariat di MBO.

Por paga sèn di buki via online banking riba kuenta di banko di SGB MCB #86821000 òf ku karchi di banko (pinpas) na sekretariaat di MBO dia nan 25 y 26 di ougustus 2022 di 12:00-19:00 y djasabra di 27 di 9:00 pa 16:00. 

Riba e dianan aki por buska e bukinan mes ora.

Después di e fecha nan aki lo por hasi pagó di buki tambe na Departamentu di finansa di SGB na Kaya Frater Odulphinus z/n. Departamentu di finansa ta habrí di djaluna t/k djaweps di 10.00 pa 14.00 or

Unifòrm di skol i artíkulonan di skol 

E polo shirtnan pa tur unidat ta optenibel na Alfa en Omega na Kaya Nikita 3, banda di Flamingo TV.

Ta spera di e alumno òf studiante ku for di e promé dia di skol ku e ta bisti e unifòrm di skol di su sekshon (SLP, VMBO, Liseo òf MBO), karson largu, sapatu será i akomodá ku tas fuerte (ròltas tambe por).

Artíkulonan di skol:

Pa alumnonan di SLP e siguiente materialnan e alumno mester tin serka dje e promé  dia di school ta: agenda, etui, pen, pòtlot, kleurpòtlot, gum, sleiper, leim i e Tablet di school.

Alumnonan di VMBO i Liseo tambe mester sòru pa desde e promé dia di skol pa tin e siguiente artíkulonan huntu ku nan: Agènda, estuche, pèn, pòtlot, steft di koló, gùm, sleiper, un steft di leim, mashin di konta Casio FX-82 (ES Plus), geotriángulo (geodriekhoek), paser i un dikshonario Nt2. 

Uniform SLP:

E poloshirt di e alumnonan di VSO/Cluster 3 tin kada dia  ta un koló. E dosentenan di VSO/Cluster 3 lo tuma kontakto ku mayornan personalmente pa por kumpra e ploshirtnan.

Tur otro alumno/ studiante di e unidat di SLP lo bisti pa aña eskolar 2022-2023 un poloshirt blou ku e logo di SGB. Poloshirt di uniform lo por buska na Alfa en Omega na Kaya Nikita 3, banda di Flamingo TV.. 

Uniform VMBO:

Klasnan 1 i 2: Turquoise ku  kraag shinishi.

Klasnan 3 i 4:

Techniek    shinishi ku  kraag berde.

Horeca, Bakkerij en Recreatie   shinishi  ku kraag turquoise

Economie en Ondernemen        shinishi ku kraag turquoise

Zorg en Welzijn                          shinishi  ku kraag korá

Uniform Liseo MAVO/ HAVO/ VWO:

Na Alfa en Omega por skohe for di e kolornan disponibel pa e unidat Liseo Boneriano.

Uniform MBO Bonaire:

Ta optenibel na Alfa i Omega, ku eskoho for di e selekshon di koló destiná pa MBO Bonaire.

Kolegio di Maneho SGB ta deseá tur kolaboradó, alumno, studiante i nan mayornan òf tutor, un aña eskolar agradabel, edukativo i eksitoso.