WILLEMSTAD – Trahadónan di Selikor a reanudá trabou ayera mèrdia.  Gerente interino di e compania di rekohé sushi a logra un akuerdo ku sindikatonan pa loke ta trata un plan di maneho pa disponé atrobe di sufisiente trùk di rekohé sushi.

Aktualmente tin solamente kuater pa seis trùk ta kore, e sobrá djestres trùk ta warda riba piesa pa reparashon. Den hopi bario sushi tin dos siman kaba pará pafó riba kaya.

Ta laga e piesanan pa e djes trùknan di sushi ku a buska últimamente  bini ku DHL,  pa por kuminsá rápido ku reparashon. 

Dia 20 di yüli e sindikato i Selikor ta bolbe reuní huntu pa mira kon e asuntunan ta kanando.

Pa dia mester tin djesocho pa djesnuebe trùk disponibel pa rekohé tur sushi, lokual ku pa simannan largu kaba no ta alkansabel. Selikor a kumpra mientrastantu tres trùk di sushi nobo ku lo entregá den ougùstes.