WILLEMSTAD – Fundashon  Kòrsou Transparente ke sa mas di doñonan di media kon nan ta anda ku e fenómeno fake news. E intenshon ta pa organisá den sèptèmber awor  un dokumentario i un nochi di debate riba e tópiko aki.

E organisashon ta mantené  komo definishon distribushon di informashon inkorekto i tambe ataká notisia korekto.

Tin djes pregunta ku por yena riba internèt  i ta purba ku esaki di haña un bista di e manera kon organisashonnan di notisia ta anda ku e fenómeno aki.

Tambe e organisashon ke sa si ta eksperensiá  fake news komo un problema serio ku posiblemente ta stroba e proseso demokrátiko na Kòrsou.