KRALENDIJK- E siman aki a start un estudio tékniko preliminar ehekutá dor di e kompania Geotron Caribbean, pa establesé si tin kueban situá bou di e tereno di aeropuerto Flamingo. 

E estudio ta importante den kuadro di ehekushon di e promé fase di e Masterplan pa aeropuerto. Ku ayudo di ERT (electrical resisivity tomography) resistensia den tera ta wòrdu midí, pa asina haña sa unda lo por tin kueba.

Peso

E estudio ta importante, pasombra presensia di kueba por tin nan konsekuensia pa e peso di avion i plataforma, ora konstruí esakinan riba tereno di aweropuerto. Dependiendo di e resultado, lo por ta posibel pa reinforsá e tera kaminda ta bai konstruí òf kaminda lo bin mas tantu peso.