AMSTERDAM – KLM ta spera ku e no mester di kanselá buelo komo konsekuensia di e kantidat máksimo di pasahero ku Schiphol ta proponé pa sèptèmber i òktober. E kompania lo bende ménos stul pa pasaheronan Hulandes den e periodo ei. Kontrali na hendenan ku ta bai ku fakansi, manera ku TUI, mayoria bes ta buk pasashinan ku KLM mas lat i na kantidat mas chikitu.

E aeropuerto a anunsiá awe ku tantu den luna di sèptèmber komo òktober ta atmití un kantidat máksimo na Schiphol. Den septèmber por biaha lokal un máksimo di 67.500 pasahero pa dia. Den òktober e kantidat ta 69.500 pasahero. Spesialmente den fakansi di hèrfst mester tuma medida. Riba base di e pasashinan ku a bende awor aki ta spera den e simannan ei un averahe di 3500 biahero dimas pa dia.

E aeropuerto a pone pa yüli i ougùstùs pa promé biaha un máksimo di e kantidat di biahero ku ta biaha for di e aeropuerto. Problemanan ku skarsedat di personal di seguridat a sòru pa reinan largu i hasta algun biaha pa disturbionan den fakansi di luna di mei. Pa garantisá seguridat a adaptá e kapasidat di e aeropuerto na e kantidat di bewaker disponibel.

Konsekuensianan

TUI ta informá ku aktualmente no ta konosí kiko e konsekuensianan lo ta pa su pasaheronan. Sinembargo e ta spera ku fakansinan den hèrfst por sigui normal. “Nos a logra den verano, pues den hèrfst tambe lo mester logra”, segun TUI.

KLM ta bisa ku nan lo keda den kòmbersashon ku Schiphol. “E meta di esei ta pa evitá limitashonnan pa operashon di KLM i pa nos biaheronan”, segun e kompania di aviashon.

Di otro banda KLM lo trata di bende pasashinan, ku nan no por bende na Hulanda, ku biaheronan den eksterior ku ta di tránsito via Schiphol. E pasaheronan ei no ta kontá den e kantidat máksimo ku Schiphol mester tene su mes na dje, pasobra nan no mester pasa kòntròl di seguridat.

E siman aki tambe ta hopi drùk na Schiphol i biaheronan mester tene kuenta ku reinan ekstremadamente largu. Tin pasaheronan ku a pèrdè nan buelo ayera pa motibu di e agitashon.

Segun e bosero awe ta ménos drùk ku ayera. “Na vertrekhal 1 pasaheronan ta pará pafó den rei te na mitar di e tènt, pero e rei ei ta sigui kana gewon. E rei no ta asina ekstremo manera nos a mira ayera”, segun e informante.

Schiphol mester prosesá awe 162.000 pasahero. “Pa awe, djarason, djaweps i djabièrnè nos tin un operashon ku nos por manehá. Ta muchu tempran ainda pa bisa algu di wikènt”, e bosero ta informá.