KRALENDIJK- Aunke ku gobièrnu di Boneiru na tur ta hopi satisfecho ku e resultadonan di e Visitor Entry Fee, ta hasiendo actualmente un evaluashon profundo relashoná ku funshonamentu di e impuesto nobo di turista. 

Despues di esaki, Kolegio Ehekutivo ta hasi proposishon pa mehorashon na Konseho Insular pa kambio di e ordenansa aktual. “Un di e puntonan di mehorashon ta prevení ku bishitantenan, asina yamá ‘island hoppers’ ku ta biaha algun dia pa un otro isla, na yegada na Boneiru tin ku paga e impuesto atrobe. Esaki nunka no tabata e intenshon di e impuesto nobo di turista manera nos a proponé esaki na Konseho Insular aña pasá”, diputado Hennyson Thielman ta duna di konosé.