WILLEMSTAD – E konmemorashon di Tula ku ta tuma lugá tur aña ta un dia importante pa hopi yu di Kòrsou rònt mundu. Na Hulanda tambe ta organisá diferente enkuentro.

E aña aki tur wowo ta dirigí riba e konmemorashon nashonal na Kòrsou djarason anochi, kaminda un delegashon di Tweede Kamer tambe lo ta presente. 

Lider di delegashon Kiki Hagen di D66 lo pone un krans na nòmber di Asuntunan Interno. E parlamentarionan lo bishitá tambe parlamentu di Kòrsou, Gobernador i Konseho di Minister. 

Mañan nan ta sigui Ruta di Tula i bishitá diferente lugá. Lo tin tambe riba programa enkuentronan ku bishitantenan den bario i un bishita na Universidat di Kòrsou.

E delegashon ta investigá e pasado kolonial di Hulanda i ta konsentrá su mes riba e pasado di sklabitut den preparashon pa 2023, e aña di konmemorashon di abolishon di sklabitit.

E miembronan di Tweede Kamer ku ta bini Kòrsou i Boneiru na nòmber di Asuntunan Interno ta: : Kiki Hagen (lider di delegashon, D66), Salima Belhaj (D66), Inge van Dijk (CDA), Renske Leijten (SP), Kati Piri (PvdA), Jesse Klaver (GroenLinks), Don Ceder (CU), Sylvana Simons (BIJ1) i Marieke Koekkoek (Volt). 

Resumen aktividtnan di Tula den Reino

Konmemorashon Nashonal na Kòrsou  Djarason  17 di ougùstùs  | 18.30 – 21.45‘or, Parke Lucha pa Libertat (grátis) E konmemorashon nashonal anual di Dia di Lucha pa Libertat na Willemstad. Ku diskursonan i aktuashonnan kultural na e monumentu di katibu Deskadená. Promé Minister di Kòrsou entre otro lo ta presente  i pa promé biaha tambe un delegashon di miembronan di Tweede Kamer.

Charla di  2022, Amsterdam Djarason 17 di ougùsùs |  19.00’or, Stadsarchief Amsterdam (grátis) Presidente di Ocan Lionel Martijn ta tene e charla di  Tula e aña aki na Hulanda.

Konmemorashon i selebrashon na Groningen Djarason 17 di ougùstùs | 15.30’or, Nieuwe Kerk Groningen Na  Groningen tambe ta konmemorá i selebrá e rebelion di 1795. Lo tin entre otro músika, charla i kuminda di Karibe. Diseñado di moda i historiadó Laurindo Andrea lo tin un monólogo ‘M’a Topa Tula’. Un charla di Barbara Henkins tokante un statua bieu na Windschoten di …….. Tula. Organisá pa fundashon Brisa en Bitterzoet Erfgoed.

Pelíkula ‘Watamula’ di Kevin Osepa, Rotterdam Djarason 17di ougùstùs |  19.45 ‘or na  film- en muziektheater LanterenVenster Watamula ta e sitio kaminda Kòrsou ta hala rosea. Den e pelíkula (trailer) aki realidat di tur dia i eksperensia místiko ta meskla huntu na un manera mágiko durante di e kaminata mentalmente i físikamente pisá ku René ta hasi riba e isla di Kòrsou. Un biahe dor di bida Segun organisadó Vanny Hooi e pelíkula aki ta pas bon den e diskushon tokante identidat i kustumber-/tradishonnan ku bo ta heredá.

Charla di Tula i Salon di kuenta, Den Haag Djasabra  20 di ougùstùs | for di  13.00 ‘or, na Den Haag Nelson Lacroes ta tene un charla tokante e héroe Tula. Durante e evento aki ta tene un salon di kuenta di artefaktonan ku hendenan a trese for di nan kas i ku tin un nifikashon kolonial interesante. Organisá pa Dutch Caribbean Book Club i het Haags Historisch Museum.

Dia di Tula, Rotterdam djasabra  20  di ougùstùs | 16.00 – 21.00 ‘or, Rotterdam Hoogvliet (grátis) Un evento ku diferente aktividat: músika di tambú bibu, tayernan tokante músika folklor. Tayernan di djembé, presentashon pelíkula di Lombrishi (Failyahh Muzo) i eksposishon di diseñado di moda Yu di Kòrsou i artista Davis Paulus.

Konsierto konmemorativo Ninsee, Amsterdam Djadumingu 21di ougùstùs | 19.30 ‘or, na Internationaal Theater Amsterdam (for di 12,50 euro) Un konsierto spesial basá riba herensia musikal di Kòrsou ku areglo di dos músiko popular di Kòrsou: pianista, kompositor i areglista Randal Corsen i kantante Dibo Doran. Organisá pa  het Nationaal Instituut Nederlands Slavernijverleden (Ninsee).