WILLEMSTAD – Ta bini un komishon ku ta bai duna konseho tokante modernisashon di e Zona Ekonómiko na Kòrsou. Pa esaki ta desaroyá vários senario pa modernisashon i hasi proposishon pa adaptá lei- i reglamentunan.

Duana di Kòrsou ta hunga un ròl krusial den e funshonamentu i modernisashon di e Zona Ekonómiko. Pa e motibu ei e komishon lo konsehá pa amplia konosementu di e personal i forma di traha di Duana i kuminsá koperashon ku otro paisnan

Instalashon di e komishon nobo a sosodé despues di un bishita di minister di Finansas na zona di merkado liber na Cartagena, Colombia. A opservá spesialmente einan kon nan ta atraé kompanianan internashonal sertifiká for di otro paisnan.