KRALENDIJK – Riba djadumingo polis a risibí notifikashon di un kachó ku a keda venená i a fayesé. Despues di investigashon a resultá ku na vários sitio den e área di Lagun, deskonosínan a pone kuminda di kachó mesklá ku e pestisida ilegal “Tres Pasitos”.

Kuerpo Polisial Hulanda Karibense(KPCN) ta atvertí doñonan di bestia pa ta alerta pa ku e fenómeno aki. Mester remarká ku no ta e promé biaha ku e fenómeno aki ta lanta kabes den e mesun área. Apesar di sospecho den pasado ken lo por ta tras di e ponementu di veneno aki, nunka no a yega na un arestashon di un sospecho. 

Apelashon riba públiko

Kuerpo polisial awor ta hasi un apelashon riba kalke hende ku por tin mas informashon tokante e e ponementu di venenu aki pa tuma kontakto ku polis na 715 8000 òf via di e liña di tep anónimo 9310.