DEN HAAG – Sekretario di estado Hulandes Uslu di Kultura i Media i e entidatnan públiko di Boneiru, Statia i Saba a sera un kombenio di kultura. Eiden nan ta palabrá ku nan ta tuma e responsabilidat konhuntamente pa infrastruktura kultural di Karibe Hulandes. E partidonan ke trese un kambio pa un maneho di kultura mas duradero i drecha e base.

Esei ta bai sosodé trahando huntu riba tereno di edukashon i partisipashon kultural, invertí den bibliotekanan i mehorando e asesibilidat na fondonan pa kultura. Lo tin atenshon speshal pa e herensia kultural kompartí i e pasado di sklabitut.

E siguiente stap ta ku Hulanda i Karibe Hulandes ta traha riba e palabrashonnan hasí den e kombenio den asina yamá agèndanan kultural di e islanan.

E partidonan ta traha akuerdonan konkreto di metanan ku ke alkansá i ta enbolbí e komunidatnan lokal i perítonan di kultura. Segun Hulanda e kombenio di kultura aki ta un komienso pa otro kolaborashonnan mas den futuro.