WILLEMSTAD – A klousurá  e konferensia di klima IPDC  e siman aki ku un bishita na Curaçao Rif Mangrovepark.  IPDC ta para pa International Panel on Deltas and Coastal areas. 

Durante e bishita a hasi un rekorido ku e delegashon den e parke i  e rangersnan a duna nan splikashon tokante e flora i founa spesial den e parke. Organisashon di naturalesa Carmabi ta manehá e parke ku a habri su portanan for di 1 di yüli pa  públiko. 

E rangernan a splika kon esensial e mangrovenan ta pa konservashon di naturalesa i seguridat. E mangrovenan tin un funshon importante si ta trata protekshon di koral i si ta trata e isla kontra inundashon. Pero tambe e mangrovenan ta forma un sitio indispensabel di  brui pa piská- i paranan.

E meta di e konferensha di klima tabata pa trese lider- i ekspertonan di e islanan Karibense huntu  i palabrá kon IPDC por sostené e region Karibense.

E Curaçao Rif Mangrovepark ta un parke eksepshonal na Kòrsou ku ta konsistí di palunan di mangrove.

The International Panel on Deltas and Coastal areas, IPDC, tin komo meta pa trese polítikonan responsabel, eksperto- i profeshonalnan huntu  den un koperashon úniko pa aselerá medidanan klimatológiko.