KRALENDIJK- Den un kampaña pa kolektá shushi den e barionan, Selibon a kolektá un total di 15.560 kilo di shushi. E barionan kaminda e kantidat mas grandi di shushi a wòrdu kolektá ta Nikiboko, Rincon i Nordisaliña.

Mayoria kos ku a keda kolektá ta shushi di kurá manera mata, pero tambe televishon, frisidèl, kolchon di kama i otro artíkulonan di kas.

E organisadónan di e kampaña Shushi òf Dushi a gradisí tur hende pa nan kontribushon na e kampaña di kolektá shushi gròf den e barionan.