WILLEMSTAD – Djasabra anochi a koroná Shubrainy Dams  komo ‘Miss World Curaçao 2023’.  E promé runner-up tabata Giömy Klepper i e di dos runner-up tabata Angela Peralta.

E elekshon a tuma lugá na Marjorie’s Party Place. E públiko presente a gosa di un bunita show ku aktuashon di e kantantenan Anthony Pietersz, Steven Daniels i e grupo di baile ‘The Explosion Dancers’, ku a presentá un koreografia bou di guia di e Benezolano Jose Gregorio Gonzalez.

E partisipantenan tabatin tres presentashon ofisial i a kompetí fuertemente kontra otro, kaminda finalmente Shubrainy Dams a sali ganadó.