DEN HAAG – E organisashon Hulandes ZonMw a lansa e programa piloto Caribbean Health Research, ku ta tin komo meta pa reinforsá e salubridat públiko i organisashon di e kuido na islanan ABCSSS (Aruba, Boneiru, Kòrsou, Sint Eustatius, Saba i Sint Maarten). 

E inisiativa aki ta un paso pa fasilitá supsidio struktural pa kuido pa e islanan. ZonMw, e organisashon Hulandes pa investigashon di salú i innovashon den kuido, ta enfoká riba promoshon di investigashon sientífiko i stimulá inovashon den kuido. Ku e programa nobo, e organisashon ta rekonosé e retonan di e islanan Karibense i ta pone enfoke riba mehorashon. 

E programa ta enfoká riba dos linianan di investigashon: hasi salubridat públiko i bienestar na e islanan, i mehorashon di e organisashon di kuido di salú. Un presupuesto total di €1,3 mion ta disponibel pa e programa piloto akí. ZonMw ta traha huntu ku Zorg en Jeugd Caribisch Nederland (ZJCN) pa integrá e nesesidatnan spesifiko di kuido di e islanan den e programa.

Aplikashon pa supsidio

E promé yamada pa pidi supsidio ta habri na kuminsamentu di novèmber. Den e mesun luna lo tambe tin tambe un seshon di informashon online pa informá interesadonan tokante e prosedura di aplikashon.