KRALENDIJK – Organisashon di naturalesa STINAPA ta atvertí ku a mira e box jellyfish peligroso, Tampya Ohboya, den awanan rònt Boneiru. E jelly-fish aki ta move bini kosta den kantidatnan grandi durante lunanan kayente, di mei te ku òktober, den temporada di luna nobo i luna yen. E piká di e jelly-fish aki por okashoná walmentu di stoma, doló i rebultashon, símptomanan ku por dura 20 minüt pa henter un dia si no trat’é.

E organisashon di naturalesa ta konsehá pa wak bon ora di bai snòrkel pa evitá kualke un kontakto ku e jelly-fishnan aki. Ora nan pikabo, posibel tratamentunan ta binager, Sting-no-more i pone kos kayente kaminda nan a pikabo. Si e simptomanan ta pèrsistí, ta konsehabel pa buska ayudo médiko.