Kralendijk- Resientemente a pasa e promé hipotek ku un garantia na ofisina di notario Mr. Kenneth Arends. E hipotek a keda duná pa Maduro & Curiëlsbank Bonaire N.V.

Ku un garantia di Hypotheek Garantie Bonaire (HGB), un kumpradó di kas tin mester di ménos kapital propio i tambe ta nifiká ménos riesgo pa esun ku ta duna e fiansa.

E HGB ta similar na loke tin na Hulanda den forma di National Hypotheek Garantie (NHG). E garantia ta impotante pa sòru ku mas hende por yega na un kas propio. A traha basta aña riba introdukshon di e sistema di garantia pa Boneiru.