KRALENDIJK- A pesar di e echo ku gabinete Hulandes a disidí pa baha aksèins pa Karibe Hulandes, meskos ku na Hulanda, muy probablemente e prèis di gasolin na Boneiru lo sigui subi ku algun sèn, ora anunisá kambio di prèis den kareda di proksimo siman. 

Ounke ku por lo pronto lo baha 16 sèn pa liter for di e preis di kombustibel manera gasoline, e subida di prèis pa produktonan petrolero den simannan tras di lomba tabata asina drástiko, ku si lo no a baha e aksèins, gasoline probablemente lo a subi ku un 20 sèn pa kada liter. 

Danki na e bahada di aksèins ta premirá ku gasolin lo subi ku algen sèn so, i no di forma mas drástiko, asina awor.nu ta komprondé di fuentenan den aparato gubernamental. Awor.nu su fuentenan ta menshoná un subida di 3 sèn pa kada liter, pero esaki no ta 100% sigur ainda.