BRASILIA – E korant Brasilero prinsipal Estadão ta enkurashá Brasileronan pa bini Kòrsou pa fakansi. E artíkulo di promoshon ta promové Kòrsou komo un ‘Paraiso pa tur hende’ i ta suprayá tur aspekto di e destinashon, di naturalesa te dibertishon i di historia te akomodashon.

Estadão ta propiedat di Agência Estado, un agensia di notisia grandi ku un ret ámplio na Brasil. Esaki ta pèrkurá pa eksponé e artíkulo i ta promové Kòrsou komo destinashon turístiko riba un plataforma nashonal.

CCR Aeroportos , e akshonista mas grandi di Curaçao Airport Partners, a hasi publikashon di e artíkulo posibel den koperashon ku Ministerio di Turismo na Brasil i Curaçaose Tourism Board CTB.