HAMBURG – Mas ku 140 profeshonal di gòlf i hungadónan amatùr a partisipá na dos evento na Alemania kaminda a presentá Kòrsou komo destinashon pa hunga gòlf. Curaçao Tourist Board CTB ta spònser di dos torneo di gòlf prestigioso na Alemania.

E aña aki Kòrsou ta e sosio di destinashon ofisial di Professional Golf Association of Bavaria, i sosio di spònser di Race to Curaçao. Esaki ta un serie di torneo di nuebe evento di gòlf na Beieren, ku lo resultá den un torneo final, Blue Bay International ProAm, ku lo tuma lugá aki na Kòrsou di 13 pa 20 di novèmber.

Christoph Günther di PGA Bavaria ta entusiasmá pa e torneo benidero na Kòrsou: “Blue Bay International ProAm ta basta tempu kaba den nos pensamentu, pasobra nos a hunga e Curaçao Masters den un formato ProAm, pero e evento a muri diferente añanan pasá pa bunitesa. Nos ta sumamente kontentu pa trese gòlf profeshonal bèk riba e bunita isla aki den Karibe, i ta pensa ku nos por sostené Kòrsou pa krese i bira un destinashon pa hunga gòlf internashonal”.