WILLEMSTAD – For di 30 di òktober te ku 3 di november  a organisá e asina yama Dutch Caribbean Integrity Smmit na Kòrsou. Partisipanten di diferente organisashonnan for di seís eilanden di Karibe ku ta parti di Reino, i Ministerio di Asuntunan Interior i Relashonnan den Reino (BZK). Meta di e konferensia tabata pa mehorá eksperensia den integridat i stimulá kolaborashon entre e entidatnan aki.

Resultadonan prinsipal di e suma a inkluí un akuerdo pa establesé un plataforma pa kompartí bon prak­ika i eksperensia diario pa e motibu di subi nivel di ekspertisia i stimulá kolaborashon riba e tereno di integridat dentro di Reino. 

Alrededor di 30 partisipanten di 15 organisashonnan gubernamental a okupá nan mes ku e tarea pa krea e plataforma aki, ku ta inkluí tantu paisnan autonomo komo Karibe Hulandes. E énfasis ta bai ta riba mehora di ekspertisia na nivel lokal. E evento a inkluí oradornan notabel i a trata e importansia di integridat den e parti di Karibe di Reino. 

Paso vital

E konferensia ta wòrdu konsiderá komo un stap vital pa stimulá integridat den e region i a risibí komentario positivo di e partisipanten. E meta prinsipal di e konferensia tabata pa fasilitá komprension mutuo i mehorá ekspertisio di diferente organisashonnan gubernamental, agensianan i entidatnan pa trata kuestionnan relashoná ku integridat, manera fraude, kòrùpshon i komportashon indeseabel.