KRALENDIJK- Bonaire International Airport (BIA), despues di un periodo largu di kaida, a eksperensiá atrobe un kresementu di e kantidat di pasaheronan den e di dos mitar di 2021. E kantidat di pasaheronan asta a oumentá den e último dos lunanan di 2021 na e nivel di 2019 di e mes periodo, tempu ku ainda no tabatin asuntu di pandemia.

Den e promé mitar di 2021 BIA a prosesá mas di 34.000 pasahero ku a yega i 34.000 ku a sali. Den e di dos mitar e kantidat akí tabata respektivamente kasi 95.000 pasahero ku a drenta i algu mas di dan 93.000 ku a sali. Ku esaki e total di pasaheronan a alkansá 256.000, 129.000 pasahero ku a yega i mas di 127.000 ku a sali. E kantidat di pasahero di tránsito a surpasá 157.000.

Esaki ta un kresementu di mas di 62% kompará ku 2020, pero e ta ainda 49% ménos ku den 2019. E kresementu den e di dos mitar di 2021 ta mustra ku BIA ta na kaminda pa bai bèk na e nivel ‘bieu’. Den ki aña lo alkansá esei no ta kla ainda. 

Lugá di tèst

Durante di e aña kasi tur ruta eksistente a bolbe kuminsá i a alsa frekuensia di algun ruta. Na yüni American Airlines i Delta Airlines a kuminsá bula atrobe, siguí pa United Airlines den novèmber. Pa pa motibu ku a habri un lugá di tèst tambe na aeropuerto na yüni, por a kumpli ku e kondishonnan pa drenta Boneiru. E buelonan merikano konsekuentemente a konosé un grado masha haltu di okupashon, pero riba otro buelonan tambe pasaheronan tabata sa bon kon pa haña Boneiru. 

DIVI-DIVI Air i EZAir tambe a mira nan frekuensia di buelo subi huntu ku e kantidat di pasaheronan. EZAir den 2021 a tuma dos avion Saab 340 den uso. Tambe partisipashon di karga a bira mas grandi i Nesaviation a kuminsá komo transportadó di karga nobo. Finalmente na aeropuerto a yama bonbiní atrobe na SkyHigh i Winair tambe.

E kapasidat di kupo a oumentá tambe formalmente debí ku a hasi uso di avionnan mas grandi, KLM a kambia di Airbus 330 pa de Boeing 777 i na desèmber entre otro KLM, American Airlines i Delta a ehekutá numeroso di buelo èkstra.

Espektativa

E espektativanan pa 2022 ta haltu. Asina e kapasidat di pasa anochi na Boneiru a subi drástikamente debí na ekspanshon di resortnan eksistente, komo tambe apertura di resortnan nobo. Partikularmente apertura di Chogogo Resort, den kooperashon ku TUI, ku 195 apartamentu i sinku vila ta oumentá e kapasidat formalmente. “BIA ta kouteloso ku pronóstiko pa 2022, pero e skemanan di buelo i desaroyonan turístiko na Boneiru ta mustra positivo”, segun CEO di BIA, Jos Hillen. “Un kantidat mas haltu di pasahero ku den 2021 mester por ta posibel, si durante aña no pone kondishonnan mas pisá pa drenta.”