KRALENDIJK – Aeropuerto Flamingo di ta bai amplia su tereno di parker otro aña i lo bai aktua ku man mas duru pa loke ta trata operashon di kompanianan di hür auto ku no ta outorisá pa aeropuerto, pero ku sí ta okupá espasio.  

Gerensia di BIA a kompartí e informashon aki despues di e situashon algu kaótiko ku a surgi e siman pasá despues di hopi awa di biña riba e isla.

Sigun Chief Operating Officer Giordano Molina, e drukte den momentonan di pík ta krea desafiu na e tereno di parkeo aktual, i e plan pa ampliashon mester duna un solushon pa esaki. E tambe a enfatizá ku e tereno disponibel pa parkeo largu tambe por wordu uzá pa bishitanan kortiku na e aeropuerto, pa hasi e flujo di tráfiko mihó.

Transporte públiko 

Molina a bisa ku e aeropuerto ta apoyá e insiativanan pa yega na transporte públiko na Boneiru, pa asina mehorá tambe aksesibilidat di aeropuerto.